夏天瓜菜當造，但望住個瓜卻無從入手。唔係唔識揀，而是唔識煮，好似個南瓜燉蛋咁，唔用瓜肉做料，只係靠個殼焗到出汁，令蛋香有陣陣南瓜鮮甜味。
記者：林佩婷
攝影：陳偉強
示範：私人烹飪導師Fiona（[email protected]）
教你點揀
主婦揀普通的瓜類，可能得心應手，但對住啲新進口的瓜類，就要留意：
迷你冬瓜：要揀重身，代表水份多又甜，不要有凹痕。
黃青瓜：顏色要鮮，暗色未必新鮮。
迷你南瓜：跟冬瓜一樣要夠重身。
黃碟瓜：顏色鮮得來無黑點。
泰國茄子：果實飽滿，輕身代表無咁老。
迷你南瓜焗蛋
需時：45分鐘
價錢：$15/1人
材料：迷你南瓜1個（切頂去籽）、水/糖各20克、蛋1隻、鮮奶35克
做法：將水和糖煮溶，將蛋打散混合鮮奶和糖隔篩，倒入南瓜，用180度焗30分鐘。
冬蔭功茄子
需時：20分鐘
價錢：$25/4人
材料：冬蔭功湯料1包、泰國茄子4個、蝦仁10隻、水1杯、鹽和油各少許
做法：茄子切開，用油煎兩面。冬蔭功湯料加水煮15分鐘，放入茄子煮5分鐘，最後落蝦仁和鹽略煮便可。
知多啲：泰國茄子本身吃起來較脆身，所以不用煮得太爛。由於它切開後容易變黃，所以最好煮時才切件。
黃青瓜蝦沙律
需時：30分鐘
價錢：$40/6人
材料：美國黃青瓜1條（切粒）、餅亁船6隻、蝦6隻（去殼煮熟切粒）
醬汁：番茄膏和糖各1湯匙、番茄1個（切粒）、檸檬汁1茶匙、檸檬皮1/2個、香草少許
做法：醬汁、青瓜粒和蝦拌勻後放在餅亁船上便可。
知多啲：黃青瓜和平常的青瓜質感一樣，只是顏色較為特別。
蟹肉炒黃碟瓜
需時：30分鐘
價錢：$60/4人
材料：黃碟瓜6個（切片）、花蟹1隻（蒸熟拆肉）、油2茶匙
調味：鹽1/2茶匙、蒜茸/紹酒各1茶匙、糖少許
芡汁：清雞湯1/4杯、生粉1茶匙、胡椒粉少許
做法：燒熱油爆香蒜茸和黃碟瓜，加入剩下調味、芡汁和蟹肉煮至汁收杰便可。
知多啲：黃碟瓜由荷蘭進口，味道和青瓜差不多，但帶有少許苦味，加入少許紹酒便可辟走苦味。
迷你冬瓜盅
需時：1小時45分鐘
價錢：$60/2人
材料：冬瓜1個、瑤柱1粒（浸軟）、瘦肉３両（切粒）、鮮蝦10隻、上湯1杯、鹽少許
做法：冬瓜切開頂部去瓜瓤及籽。用上湯將瑤柱瘦肉和蝦煮滾，倒入冬瓜內。隔水蒸1小時後加入蝦再蒸半小時下鹽便可。
