相士認為肥人有福氣，不過喺美國，越嚟越多肥胖員工被歧視。耶魯大學做咗個調查，受訪嘅2000位肥胖女士中，有53%人話同事睇唔起佢哋，43%人話俾老闆睇低，令肥人轉工、升職都比較困難。
grassman87喺《MSNBC討論區》話：「我唔鍾意同啲肥人做同事，因為佢哋成日病，經常要睇醫生，增加公司嘅醫療成本，被迫要提高醫療保險費，其他冇乜病嘅同事亦要畀多啲醫療保險費，好唔公平。」
獎勵員工減肥
Mttopper講：「我老闆討厭三類人：煙民、肥人，同埋身體差嘅人，因為佢哋工作效率低。」
GuyinDC話：「肥人經常幫襯公立醫院，令納稅人要交多啲稅應付不斷上漲嘅公共醫療開支，所以佢哋係社會包袱。肥人通常大飲大食，又唔鍾意運動，佢哋俾人歧視，係自己攞嚟。」
不過，體重超標嘅TruthSaver女士反駁：「我本身好肥，但身體健康，好少睇醫生。一個人年紀越大就越難減肥。雖然我冇俾同事歧視，但經常喺街俾人評頭品足，令我覺得好冇癮。」
USAFRET就同肥胖人士講句公道話：「肥有時係天生嘅，後天好難改。計我話歧視人係病態，政府應該立例禁止歧視肥人。」
籲立例禁歧視
根據田納西州立大學經濟學家嘅調查發現，肥人嘅人工比普通人平均少1至6%，肥女嘅薪金又少過肥男。美國唔少公司為削減醫療保健開支，不惜鼓勵員工減肥，成功者可以獲獎。
報料站
歡迎提供網上財經趣聞，資料一經採用，酬100元。
請附姓名、電話及電郵地址，
交[email protected]