「你咁樣衰同有問題就唔好搭地鐵啦！」假如遇到一名腳踏Chanel鞋、手拎LV袋，作貴婦打扮的女士在地鐵車廂中，無端侮辱一名智障女孩，你會怎樣反應呢？一名女網友近日就在一列從油麻地站開出的車廂中碰到這樣的事情，她當時「無明火起三千丈」，放聲直斥「LV惡魔」。結果惡魔被「嚇窒」，到站後立即逃竄，不知去向。
化名L的女網友表示，由於事發時是黃昏地鐵繁忙時段，她為趕返宿舍跟同房吃飯，幾經辛苦在油麻地站「迫入」一節車廂，然後發現身後還有一位智障女孩。
女乘客扯火：唔及你口臭
女網友L說：「閂門前都無咩，個女仔當時面向企門邊嘅一個手挽LV袋、對鞋係Chanel，一身貴氣嘅女士。車一開，個女仔就好正常咁向前移動咗一下，但根本無接觸到嗰位女士，但嗰位女士就突然好似精神病發咁咆哮，『你咁樣衰同有問題就唔好搭地鐵啦！唔好掂到我呀！』個女仔望咗佢一眼，然後好慢咁開口話：『對唔住！』。」
L續說：「個女仔根本無做錯事，仲同佢講對唔住，我唔知邊處嚟嘅火，對住個女士狂鬧，『你唔好搭地鐵啦八婆！人哋樣衰都唔及你口臭，你落咗妝咪一樣嚇鬼，佢掂都無掂過你就要畀你鬧一鑊！』嗰個女人見我突然咁火爆，嚇窒咗，喺下一個站就飛奔逃亡……智障無罪，個女士着到成身名牌咁又點？心哋唔好，比魔鬼仲可憎！」
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]