前無綫總經理何定鈞轉投亞洲電視，擔任營運總裁，助亞視抗衡無綫，他昨早9時許坐平治房車抵達亞視大樓，獲高級副總裁鄺凱迎迎接，何定鈞稱因時間緊迫，連領帶也來不及打上，但他刻意挑了條紅色領帶稍後結上。
何定鈞說：「新工作、新環境、新挑戰，我哋最重要係7月尾搬廠房，預計8月中完成，同埋首要構思數碼化，因為嚟緊會多幾條頻道。」他強調不會將無綫的一套管理方式搬到亞視，他說：「我哋做好自己本份，先有能力競爭，我未聯絡同事，睇吓個路向係點。」他表示後日會有記者會交代上任詳情，稍後則會約見藝員。
樂易玲：唔使驚
此外，無綫製作資源部副總監樂易玲昨日到尖沙嘴出席新劇《歲月風雲》宣傳時則對此說：「站喺觀眾立場會娛樂性多啲，但係公司唔會只睇一個台，而且我哋係自己對自己嘅競賽，不過槍口就對外，佢哋招兵買馬唔使驚，只要台前幕後上下一心，知己知彼就得。」
採訪、攝影：張俊銘