Twins前晚在紅館演出《星光熠熠耀保良》，跟SunBoy'z大跳火辣辣拉丁舞，阿Sa事後自爆蹺SunBoy'z跳舞時扭傷右邊臀部，要忍痛完成演出，出席慶功宴時更要阿嬌攙扶上台，不過她表示雖然只得兩日綵排，仍非常滿意自己的演出。
容祖兒、何韻詩、Twins及關菊英等前晚在紅館演出《星光熠熠耀保良》，不過李克勤、許志安及楊千嬅等缺席大會於尖沙嘴舉行的慶功宴。
英皇爭取演出
Twins穿上性感大露背拉丁舞衣跟SunBoy'z大跳火辣辣拉丁舞，不過蔡卓妍（阿Sa）在表演前，身上的咪高峯並沒有關掉，結果聽到她說：「係咪行番轉頭……」事後阿Sa表示當她用腳纏着William的腰時，不慎扭傷右邊臀部，要忍痛堅持繼續表演，慶功宴上見她要阿嬌攙扶上台。另一方面，Twins又表示舞衣於專賣拉丁舞衣的店舖訂做，阿Sa說：「件衫黐得好實，好貼身，所以好安全。」
節目的廣告時段，英皇安排旗下歌手吳浩康、洪卓立、鍾舒曼及關智斌等出場唱歌，事後節目監製林嘉穎說：「係今年先有，係英皇主動請纓，佢哋話唔想現場有冷場，就算歌手嘅表演家庭觀眾冇得欣賞都絕不介意。」其他唱片公司可有要求？林嘉穎續說：「其他唱片公司喺綵排知道咗都有要求，不過因為一早已安排咗，所以安排唔到。」被問到可被人詬病偏私，林嘉穎續說：「我冇偏私，原本冇安排，係英皇度出嚟，佢肯表演咪畀佢哋。」可擔心下年會爭崩頭？他說：「咪公平抽籤囉。」
此外，前日27歲牛一的容祖兒（Joey），雖然當日仍要工作，但她說：「年年有工開，年年有得撈。」Joey於無綫劇集《學警出更》中的演出備受批評，更指她穿上制服也不像警察，對此Joey說：「有制服着先維肖維妙，我拍過幾套做差人嘅戲，都OK，有留意先有批評。」
祖兒賣二手衫
此外，Joey及關智斌等昨日在九龍灣出席活動，Joey透露今年打算搞二手衫生意，並找來阿Sa、阿嬌、蔣雅文及關智斌等提供服裝，日前她已到阿嬌的家運走三袋衣物，最細心是阿Sa，每件服裝也有價錢，她希望可以再找多些男性服裝，擴闊市場。
採訪：李珮洳
攝影：仇志德
