少女在午夜時分望着鏡子批蘋果，批吓批吓，會看見自己未來丈夫的樣子……」這個古老的傳說，時至今日仍有人相信卻不敢試，有人說試過無事發生，但也有言之鑿鑿的傳聞稱，真的見到未來丈夫的樣子……
「有無試過夜晚批蘋果看未來老公？」網友lau近日提出疑問，kira說：「有諗過試，但聽講如果批斷咗條蘋果皮，另一半就會無命，我對自己嘅批皮技術絕對無信心。」網友魷魚絲稱：「試過啦，冇乜特別，只係批完個蘋果唔想食。」
「真係變咗爛面佬」
不過，網友tsznok說：「我細個時阿媽成日告誡我玩乜都好，千祈唔好玩批蘋果。佢話以前佢哋一班工廠妹中，有個姊妹唔信邪玩批蘋果，真係俾佢喺鏡度見到一個爛面佬。好多年後佢出嫁啦，大家都唔記得咗件事，佢就提起話：批蘋果呢啲都係信唔過，大家睇吓我𠵱家個老公幾靚仔。點知，佢老公過嚟接佢時遇上車禍，死唔去，但真係變咗所謂嘅爛面佬……真係幾邪~」