巴西國家隊御用牙醫爆料，笑容最燦爛嘅朗拿甸奴，並唔係咁鍾意笑！原來天生一副兔仔牙嘅「細哨」，喺鏡頭前經常咧嘴而笑，唔係出自真心，只因嗰副牙哨咗出嚟，搞到睇落去好似成日都開心，其實佢根本唔係笑緊云云；同時，該牙醫又話，成隊巴西隊啲牙最靚就係不來梅中場廸亞高，最差就係國米守將馬爾干。