林峯、陳敏之和蔡淇浚等昨日出席在將軍澳新都城舉行的「同寵物親親嗲D．愛心滿溢父親節」活動，並擔任大會評判。
由細到大飼養雪橇狗的林峯勸喻養寵物前要三思，他說：「我本身有一隻雪橇由細養到大，後來有個朋友，佢同女友分手，個女仔唔要隻狗，佢又養唔掂，我咪收養咗，點知兩隻雪橇成日打交，後來我將新雪橇搬上內地，交畀福建住嘅屋企人收養。所以我勸大家，尤其係男朋友唔好送寵物畀女朋友，女朋友都唔好送畀男朋友，寵物就好似生BB一樣，要諗清楚。」
陳敏之學笑
陳敏之有養貓，她說：「我覺得貓會適合藝人養，因為唔使點打理，又唔使落街放狗，佢又識自己沖涼，同埋我鍾意貓嘅性格coolcool哋。」講到「coolcool哋」，陳敏之早前被拍到對男性友人都是冷冷淡淡，她說：「佢唔係我男朋友，同埋嗰日我哋冇嘢，係張相冇表情，咁我會學識笑多啲。」
採訪：楊潔雯
攝影：陳順禎