人體的五臟六腑，主宰生命和身體各機能的運作，中醫學說認為，每當臟腑被病邪所傷，身體內的運作就會受到影響因而感到不適，所以平時就要多啲運用湯水食療保健，確保五臟六腑功能旺盛，氣血充實，疾病都少啲。唔講唔知，原來某些內臟食物配合適當的食材嚟煮，對心肝脾肺腎都好有益處，絕對以形補形。
記者：趙珮倩
攝影：陳偉強
示範：烹飪導師KannisYeung
食譜參考：《保健養生全方位食療》嘉出版
部份資料提供：徐思濠註冊中醫師
杞子三色椒炒豬肝
需時﹕15分鐘
價錢﹕$20/2人
材料：杞子5錢、豬肝4両、青/紅/黃椒各1/4個、鹽/胡椒粉各適量
做法：杞子洗淨浸透後，盛起備用；豬肝洗淨，切片備用；三色椒洗淨切細角備用。燒熱油下豬肝炒3分鐘，加入三色椒略炒，最後下杞子/鹽/胡椒粉兜勻即成。
知多啲：杞子明目滋補肝腎，豬肝補血含有豐富的蛋白質、脂肪、維生素A及鐵質等，對維持身體正常生長，保護眼睛及防治疲勞都很有幫助。但豬肝含高脂肪，不宜進食過量，以免攝取太多膽固醇，影響健康。
清肺止咳白菜湯
需時﹕3小時
價錢﹕$30/4人
材料：白菜1/2斤、菜亁2両、枇杷葉3錢、川貝3錢、北杏4錢、生薑3片、豬肺1個、無花果8粒、水12碗、鹽適量
做法：豬肺沖水洗淨至色白，汆水後撕去薄膜，再用水沖洗淨後備用；藥材、白菜、菜亁分別洗淨後備用；煲滾水，放入所有材料以大火煲滾後，轉慢火煲約21/2小時，下鹽調味後即成。
知多啲：此湯清肺止咳、化痰順氣，對久咳不止、肺熱肺燥、痰多色黃及大便不暢者常服有益，有助減少咳喘。
金針木耳煮豬心
需時﹕10分鐘
價錢﹕$18/2人
材料：金針1両、木耳5錢、豬心1個、紅棗8粒、蒜頭3粒、鹽/糖/豉油各適量
做法：金針/木耳洗淨，用水浸透，木耳切塊；蒜頭洗淨，切開後備用。紅棗洗淨去核，開邊備用。豬心用水沖洗淨，汆水切細件，備用。燒熱鑊，下油及爆香蒜頭，下豬心略炒2分鐘，再下金針/木耳/紅棗拌炒至全部材料熟透，下鹽/糖/豉油略炒即成。
知多啲：豬心補益行血、養心安神；金針可疏通血脈，木耳可活血化瘀。此菜對血氣運行不暢或患有高血脂、高膽固醇之人士，有保健之功效。每星期可食用1至2次，若不食內臟者，可改用豬肉片4両。
韭黃炒雞腸
需時﹕10分鐘
價錢﹕$15/2人
材料：韭黃4両、雞腸4両、紹酒少許、甘笋絲/薑片/葱各適量、鹽/糖各1/2茶匙、粗鹽適量
做法：葱和韭黃洗淨，切段後備用；雞腸用粗鹽洗刷淨，去除脂肪，再用水洗淨、抹亁、切件後備用；燒熱油，下雞腸爆炒，灒酒，下鹽/糖拌勻後，盛起備用；燒熱油，爆香薑葱及韭黃，雞腸回鑊，下甘笋絲同炒至所有材料熟透後即成。
知多啲：雞腸性溫味甘，有補腎縮尿的作用，與韭黃同炒特別適合脾胃虛弱、大便不暢之人士食用，但膽固醇過高或患有心血管疾病之人士，則不宜過量食用，以免引致身體不適。
