少年十五二十時，對異性感到關注和好奇份屬平常。就讀「和尚寺」的中學生往往以為男女校舉行水運會，是一睹女同學穿泳衣顯露身材的良機，誰不知大多女生均不願參賽，還諸多藉口拒絕下水，務求留守看台上傾偈。有就讀男校的網友表示，很想知道在男女校的水、陸運會中，男仔會否在女同學面前「扮到自己好勁」，女仔又會不會有尷尬的情況出現。yo_girl說：「我讀女校，我都想知。」
令人失望的是，網友SIRI525稱：「每年水運會，我哋嗰班啲女仔話會扮M到。」Blackduck接着說：「有時候幾日前編好咗接力賽名單，點知到嗰日有女仔M到，甩底要搵人頂佢，煩！」部份女生即使參加比賽，卻往往用大毛巾包裹着身體出場，結果變成「冇嘢睇」。
關於扮勁的問題，Blackduck指出，「水運會中，着沙灘褲、戴布泳帽或者長頭髮但冇戴泳帽嗰啲」以及「陸運會跑400米而唔着釘鞋嘅人」都係陪跑居多。網友聖光之風稱：「扮嘢都要睇自己本身勁唔勁㗎，你唔勁嘅，點扮都扮唔到啦。」