單親媽媽阿貞連月來因家中部份水電設施破損，缺錢維修，終日憂心忡忡，早前經蘋果日報慈善基金撥款協助，難題迎刃而解，她不禁舒口氣表示：「𠵱家安樂晒，真係好多謝蘋果基金咁幫忙！」
記者近日再次探訪阿貞，她甫見記者即喜孜孜地說：「你快啲入廚房同去個廳睇吓，𠵱家整好咗廚房鋅盆下面個U形去水渠，洗碗同洗菜嗰陣，唔使再擔心啲污糟水漏晒出嚟。」
她又指向單位天花板說：「原本啲電燈裝置鬆脫，師傅都話好危險，有機會漏電，一旦啲膠紙黐唔實個燈膽，成個跌落嚟會好麻煩。𠵱家整好晒，就唔使驚。」
蘋果基金撥款解困
今年39歲的阿貞原從事保安工作，10年前證實患有癲癇症而失去工作；隨後原在酒吧任職的丈夫離家後音訊全無，遺下她與兩名女兒孤苦度日，依靠綜援金維生。其兩名女兒現年10歲及12歲，分別就讀小五及中一。
近月阿貞因缺錢維修家中殘破水電設施，生活甚感不便，由循道愛華村服務中心的社工轉介向本報求助。蘋果日報慈善基金了解阿貞的情況後，安排撥款助她支付維修家居電力裝置及水渠設施，讓她與女兒住得安心。
捐款編號：C2335