金屬水龍頭和其他金屬製家居用品一樣，使用初期閃閃發光，顯得明亮又高貴，但年深月久後，一般都會出現氧化現象，表面失去光澤變得暗啞，該如何處理呢？有網友信心十足地表示，金屬水龍頭並不特別難清洗，只要用1比2份量的醋加水，然後加熱，再用布沾取擦拭，就可令金屬水龍頭回復光潔如新。
「家居博士」曾近榮稱，這些網絡上的傳聞，許多時並不可行有效。曾Sir語帶嘲諷地進一步指出：「呢啲係孫中山、滿清時代嘅舊社會，先至會用嘅舊方法嚟㗎。如果醋可以咁用，咁點解紅豆沙、芝麻糊呢啲唔得呢？呢啲方法，全部都係冇根據㗎。」
用去污膏抹就得
他強調，要對症下藥，最好使用去污膏或除油浸迹粉，「一抹，就自自然然亁淨晒！」這些清潔用品在一般化工原料店有售。