散戶揀股都有自己一套理論，網友楊磊提出3個揀股原則，同選港姐冇分別──要年輕、漂亮、窈窕。
新股多人追捧
「年輕」係指新股、半新股同埋仲未俾人炒作過嘅股票。呢啲股，（股價）細細粒，容易食，所以好容易俾市場追捧。
雖然有啲新股唔會一上市就即刻有好表現，但中長線嚟講，相對已經有番咁上下磅數嘅「老股」，有得升嘅機會大好多。
業績佳見得人
「樣靚」就係指有好業績、行業前景秀麗、多人留意嘅上市公司。好似前排俾人炒作過嘅中糧控股（606），主業發展替代能源，都唔知幾受市場歡迎。
雖然有啲股可能「金玉其外，敗絮其中」，但股市本來就係一個投機多於投資嘅市場，對普通散戶嚟講，最重要係搵到錢，根本唔使理佢係咪表裏一致，又或者係咪長勝將軍，贏咗就走，何必咁計較？
細價股易炒起
「身材正」即係要股票流通量唔多，貨源歸邊嘅細價股。
身材「窈窕」嘅股票，炒作唔使好多資金，股價至容易俾人炒起；而且公司重組嘅機會多啲，炒作嘅藉口同空間都會大啲。
http://www5.cnfol.com/big5/gmxy.stock.cnfol.com/070516/131 ,1355,2974937,00.shtml
報料站
歡迎提供網上財經趣聞，資料一經採用，酬100元。請附姓名、電話及電郵地址，交[email protected]