效力麥拿侖嘅英國車手咸姆頓最近就威威，啱啱喺星期日贏咗世界一級方程式加拿大站嘅冠軍，咁麥拿侖諗住食住個勢，推薦佢做電視清談節目《大衛牙擦騷》嘅嘉賓，點知節目監製認為佢知名度唔夠而拒絕咗。咸姆頓雖然食咗個大檸檬，好彩就獲得高爾夫球「1哥」活士點名稱讚，仲話佢係一個好好嘅榜樣㖭！