雲尼斯達羅
雲佬同學舊年夏天先加入本校皇馬班，居然可以咁快適應陌生環境；唔單止同同學仔相處融洽，仲射入26球咁多，認真難能可貴，校方決定畀5隻白兔過佢。
同時，我代表全校祝佢能夠繼04/05球季嘅科蘭同學之後，將金靴獎再次帶返西甲，為大家爭光。
美斯
美斯同學成績同課外活動表現良好，好可惜個人操行有待改善。好似上周對愛斯賓奴居然施展「上帝之手」，影響我校聲譽；所以，我哋決定畀4隻黑豬佢。
希望朗拿甸奴同學教導美斯同學，以免呢位天才學生誤入歧途。
古利
古利同學，你今年無論校內外考試都係「滿江紅」，其實讀書唔係唯一嘅出路，古利同學態度良好，亦好勤力，不過似乎佢唔係好跟得上巴塞嘅教學進度。
巴塞今個學年整體成績有退步，班主任同校長商討後決定將古利踢出班，我喺度祝願古利同學可以繼續努力，希望佢前途似錦。
大考：0分
沙治奧拉莫斯
今年進步最大係皇馬班，我特別表揚沙治奧拉莫斯同學，佢今年整體表現非常出色，係本校未來棟樑。
不過，拉莫斯同學代表校隊參加歐國外期間，被傳媒影到爛醉街頭，仲當街小解㖭！希望佢以此為戒，以後專心讀書啦。
操行：D-