坊間食肆，招徠法之一，裝番個電視。播波播劇尤自可，有啲老闆，咁鬼死好諗頭，將呢部新款超薄靚電視，直播自家廚房煮麵嘅情況。廚房環境又唔見得好，師傅同阿姐都交唔到戲，烹調嘅過程亦唔係特別衞生，鏡頭角度色彩變化當然亦冇，又會咁樣倒自己米嘅？
皇馬巴塞今季鬥到最後一輪，仍然叮噹馬頭，就真係好睇嘞。計對賽成績皇馬排先，贏波即為「冠軍」派彩；華度就認為巴塞仲有力喺衝線前擘口，影贏皇馬半條馬脷。
讓球主客和：馬略卡勝[+1]
心得：分頭唔係時時有
華度
貼士嘅嘢，邊有實贏？睇相佬就話我有運行，冇點你！