西甲煞科，如無意外都應該係後上嘅皇馬攞冠軍，巴塞將四大皆空！
塔拉戈納對巴塞，皇馬對馬略卡，兩場波嘅牌面，高下立見，就算皇馬有傷兵、有停賽，又有啲球員要踢美洲國家盃，我諗佢哋點都會順利過渡！至於巴塞，反而我有少少擔心，球員識計數。當然，我期待呢場波會好似上一輪賽事嘅情況再出現，如果皇馬仲係和波，或者被馬略卡入咗一球，咁就好睇過戲！如果有咁嘅劇情，即場當然要巴塞贏！所以最佳投資方法，都係睇現場情況再決定！另外，塔拉戈納最後一場西甲主場，正路都要答謝球迷，一定打高幾皮波，我諗和波都唔奇！
最後，大家唔好忽略護級情況，切爾達及皇蘇陷水深火熱，但數字上仲有機會，計埋對賽成績，哪隊護級成功，還看最後一仗。我當然覺得切爾達及畢爾包會贏波，貝廸斯近況太差，應該會失分而降班，至於皇蘇，就算贏波都只有37分，下年乙組見！
周鵬
商業1台《球迷集中贏》主持
電郵：[email protected]