每個月15號左右，山口式Revoltech就會推出新玩具，今個6月係EVA初號機TYPEF形態和SONY貓。
網上唔少人入咗TYPEF後，都大彈QC做得一般，又話佢肥仔同官網睇差好多；不過，去到相熟灣仔、旺角玩具店，都係照樣賣晒，所以話香港人始終係鍾意邊鬧邊買。TYPEF唔只大隻過原先初號機，而且膠質亦改變了，加上9月新劇場版又到，大有收藏原因。
至於SONY貓，分白貓Toro和黑貓Kuro，咁Cutie的Figure，Revoltech係第一次出。白貓係普通版，但黑貓係限量版，相信又會俾人炒高嚟賣。想正常用大約$100買一隻Revoltech的價錢買到Kuro，睇怕都幾難了。
記者︰陸俊雄
