上個禮拜信壽星女肥仔，重插馬體會嘅入球「大」，結果中到應一應，所以話生日真係寧舍旺。下個禮拜六23號輪到我大壽，但今次係〈畢賭翁〉今季嘅最後一期，讀者到時冇得黐我旺氣喇。
23係畢傑一生最愛嘅「冧巴」，除咗係生日大日子外，仲係由細到大嘅超級偶像米高佐敦嘅球衣號碼；所以我𠵱家踢緊嘅幾支足球隊，我都係着23號㗎。
咁啱得咁橋，今期最有心水嘅係星期日23西維爾迎戰維拉利爾，後者7連勝大晒咩，難得西維爾主場有1.85倍W，我要！
主客和：西維爾勝
心得：23係情意結
畢傑
畢傑愛肥仔，所以最愛朗拿度；但更愛賭波，不倒翁最似我。