早幾晚走咗去睇《盜海豪情──13王牌》，故事橋段整體上感覺都唔錯，不過就有啲偏離現實，所有計劃都喺一班「大賊」估計之內，3分半鐘蒸發5億美元，但意外嘅係當入場前以為5億美元係賭場賭金，但結果竟然係指價值5億美元嘅鑽石，總算有啲驚喜。
萬人迷折服卡比路
不過呢套戲最精采嘅地方，唔係偷鑽石嘅過程，而係一班「大賊」有情有義為好友報仇嘅精神。就好似「萬人迷」碧咸咁，皇家馬德里管理層先將佢投閒置散，之後佢憑不屈不撓嘅精神，重獲卡比路信任，而且佢嘅表現又的確教人心悅誠服，所以聽晚一於撐佢幫皇馬大勝馬略卡封王，標番個西甲尾會！正如朋友話齋：「你對我好，我咪點對你一樣囉，啱數！」
波膽：皇家馬德里勝4:1、5:1
心得：碧咸西甲最後一戰必撐
賴恩
筆者崇尚以小博大，敗不傷，勝則笑。乏味雞肋何惜之！