噚日睇許冠文個talkshow，抱住個女一家三口（工人都有睇，不過佢聽唔明），樂也融融。
許冠文同我個樣冇忽相似，但我哋對待婚姻嘅態度就異曲同工，佢話：「男人同女人，就好似老虎同牛，如果要相處得嚟，老虎就要『詐詐諦諦』食吓草，牛就要『詐詐諦諦』食吓肉。」之後，女人肯定質問你：「咁咪即係呃我啫？」
「老婆，我得一世㗎咋，我都攞嚟呃咗你喇，你滿意未？」係呀，我𠵱家特別覺得已婚之人成熟可靠，63歲嘅荷蘭U21教練廸漢就係箇中代表，今晚單W要捧喇！
主客和：荷蘭U21勝
心得：廸漢心態成熟，單W冇問題
藍鑽石
愛意大利波、去意國度蜜月、囡囡與簡拿華路同日生日。