早前喺呢個專欄同大家提過，部份麥記24小時營業後，如果有埋Wi-Fi無線上網就肯定有另一番景象，估唔到早前再幫襯時，發現真係有免費無線，雖然只係得20分鐘，但已經唔錯，起碼唔使吓吓畀3、40蚊去S記咖啡連鎖店上網，而且仲可以喺深夜，唔使係屋企度波。
至於周六啲波，我就揀磐田山葉，上場就狂炒甲府風林6:1，養傷好耐嘅前田遼一終於回復狀態，有兩個「士哥」，今日作客包尾嘅FC橫濱，贏面高，唔貪要單W再串鹿島鹿角。
主客和：磐田山葉勝
心得：串埋傳統勁旅鹿島鹿角
戰鬥員A
玩啤牌最好要揸A，考試最緊要攞A，貼波睇實我阿A。