代表「西甲中學」參加下屆歐聯的前4名一早大定，餘下尚有兩個與海外學校切磋球技的歐協盃席位；綜合目前形勢分析，薩拉戈薩、維拉利爾及馬德里體育會這3班，將要在畢業禮當日鬥個你死我活。
西維爾唔會放「黃色潛艇」
論穩陣，薩拉戈薩應是3班之最，他們在畢業禮將作客維爾瓦，但由於薩軍為3班中對賽成績最佳，故就算今役和波收場，都肯定取得來季歐協盃資格。至於餘下一個席位，坦白說維拉利爾及馬體會都有隱憂。先講「黃色潛艇」，他們最後一仗要作客仍有機會爭全校總冠軍的西維爾；睇番往績，西維爾自01/02球季由西乙中學升班後，已經連續5屆主場擊敗維拉利爾。𠵱家西軍仲未斷氣有力爭標，點會放過你？。
馬體會形勢最惡劣，目前落後薩拉戈薩及維拉利爾兩分，踢唔踢到歐協盃都要望人哋失分；他們畢業禮當日同樣要客征奧沙辛拿，後者話就話踢緊風流波，但近3戰對住護級份子都全勝，似乎相當「正氣」，且看奧沙辛拿會否放馬體會一條生路。