周末挪超，下游球隊利恩迎戰榜首白蘭恩上演「雙恩戰」，睇兩軍排名距離咁遠，都知道各自喺今季踢咗9輪秩序嘅聯賽，表現有所分野；但如果睇近況，利恩都未致太差，最近4場贏3輸1，近5場計更總共攻入唔同對手23球！雖然有兩場係對住低組別球隊嘅挪威盃賽事，但相信利恩𠵱家對爭取入球充滿信心，今日有埋主場之利，要喺榜首球隊白蘭恩身上入波，應該冇乜問題，一於取「大」膽，冷敲主隊贏2:1。
史軍𡁻硬阿里辛特
當各路挪超大軍，都喺近期進行嘅挪威盃入面，大炒特炒低組別球隊嘅時候，阿里辛特呢支排名挪超聯賽榜尾2嘅球隊，竟然喺作客對住低兩班嘅禾達時，打成0:0！事實上，阿里辛特今季喺聯賽都冇貨賣，周日雖有主場之利，但迎戰對手係前列嘅史達比克，以阿里辛特呢期嘅鋒力，博史達比克淨勝波膽都得嘞。
排第2位嘅利尼史特朗，呢輪迎戰前季冠軍華拉倫加。雖然華拉倫加𠵱家排喺第11位，但以佢哋前季得冠軍、上季都得個第3名嘅實力睇，呢隻爛船應該仲有三斤釘；利尼史特朗上輪秩序臨場有飛，最後都令人失望咁輸畀白蘭恩1:3，唔抵撐，博1:1和波。
文：華度
波膽過關3串7
星期六9 利恩勝2:1 待定
星期日10 史達比克勝2:0 待定
星期日15 利尼史特朗和1:1 待定
全中賠率：待定