兒時戴頭箍早已成風氣，沒想到大人世界裏，頭箍熱仍有增無減，街上見人人戴不同色彩及類型的頭箍，心郁郁想買番個，買之前請先照鏡子，究竟自己有無個靚額呢？玄學家話識時露靚額，有助增強戀愛運，不妨為自己定下戴頭箍的造型，包你10個男仔有9個都話你索！
記者：郭佩韻 攝影：周旭文
Model：EvenChan@HongKongGenesis
Hair：[email protected]
額頭飽滿戴頭箍增運
頭箍本來是陳寶珠時代扮靚頭飾，來到今時今日，頭箍已變成襯衫潮物，不論是女生女士，總有一兩個七彩頭箍跟身，扮得靚靚之餘，如果可以旺埋戀愛運，真是一舉兩得！堪輿學家戴子珽話戴頭箍特別注意額頭美不美，「額頭以飽滿、透亮光澤，沒有疤痕為最靚，不妨戴頭箍把額前頭髮全部箍上，面色看起來精神，且太陽穴附近有個位置叫奸門，屬夫妻宮，掌管戀愛運，如果至髮線有兩隻手指位，闊度剛好，表示與異性有緣，感情戀愛運好，若沒有兩手指位，則要剪走多餘的頭髮，所以想與愛侶感情穩定，又或未找到愛人，可試試戴頭箍增強運勢！」
何謂靚額頭？
齋說飽滿有光澤額頭似乎有點不實在，就舉女明星靚額做例，自問有信心似足以下女明星，一於露個靚額示人啦！
薛凱琪（Fiona）×橙白蝴蝶頭箍
戴師傅讚Fiona個額飽滿而有肉，出來做事好易會遇貴人，經常露額頭有助事業及戀愛運。
容祖兒（Joey）×紅黃漸變色頭箍
戴師傅話Joey個額夠闊夠高，似Joey額頭更要時刻展露人前，魅力運勢令人沒法抵擋！
梁洛施（Isabella）×白色雙層頭箍
Isabella額頭算合格，唯一缺點不夠飽滿。
扭髻公主頭
知道自己有個靚額？即時拿個頭箍出來襯一襯，發覺齋套頭箍太老套，要想想辦法set好後方頭髮，成個totallook即時grand晒，做法很簡單，只要識扭髮髻，可以任你點整，如果怕髮尾直不甩難看，可用捲髮器，把直髮變鬈曲，整個髮型令人耳目一新！
1.先把額前頭髮向後梳，用hairspray定型，大約用頭頂1/3頭髮，連同額前頭髮束好，把髮尾向左邊扭，以同一方扭兩次，結成小髻。
2.把髮髻以下頭髮拿起一小束，向右扭3次，扭成一條辮子，再把整條辮子由右邊，大圈扭至左邊整成一個髮髻。
3.上下兩個髮髻整成後，把凸出來的髮尾盡量收入髮髻裡，看起來較為整齊，記得用hairspray定型，並用髮夾穩固好。
輕便蓬鬆頭
日間氣溫至少三十度，一把長長頭髮披在肩，很有侷促感，最好束起所有頭髮，一定涼爽好多，如果有此同感，呢個allback頭最適合你，且做法好簡單，只需要有耐性，把頭髮梳得有層次感，不消5分鐘，成個造型掂晒，就算日日返工趕出門，都不妨一學！
1.把所有頭髮以allback形式束起，如果頭髮長度不夠，可以用髮夾，把每束頭髮往上夾好。
2.然後把辮子向上捲2下，視乎本身頭髮多寡，整成簡單髮髻，用髮夾定好位置。
3.髮髻完成後留下的髮尾，用來玩層次，把大部份髮尾完全撥至頭頂，然後左中右分開小段頭髮。
4.帶上喜愛的頭箍後，不想前額頭髮捲起太普通，可以嘗試用扁平梳末端，輕輕力隨意挑起額前頭髮，塑造不規則的層次感。
旋渦扭髻頭
戴師傅話係靚額先可以戴頭箍露靚額，但萬一額頭有疤又扁平唔靚，就要與頭箍絕緣？答應是：「不！」只要有技巧地戴頭箍，一樣有型又潮，呢個造型特別為不幸無靚額的人而設，或一樣可助你增運勢！
1.把頂頭頭髮約1/3束起，然後從髮尾旋轉扭向上，用髮夾夾好鬆出來的地方，而髮尾可用扁平梳梳鬆。
2.再把腦後頭髮束起，以同一個旋轉方法扭向上，用髮夾定好旋轉位，再噴hairspray定型。
3.把剛整好腦後部份頭髮髮尾，扭向頂頭髮髻，使上下兩邊頭髮結合，形成一個大旋轉型髮髻。
4.帶上幼身頭箍，金配銀色今年興，可以銀在前金在後成對比，如果頭箍不穩，可用髮夾幫助。
查詢：H&M（21109546）
J.Jade首飾（23803805）