薛家燕噚日去咗元朗，幫涼果老舖么鳳嘅新分店剪綵，佢仲話埋畀大家知，家燕媽媽已經殺入飲食界，仲會推出家燕媽媽涼果。家燕姐話用自己名義嘅生意投資有成千幾二千萬，不過好多都係同廠家合作，自己獨資嘅都只係得藝術中心，佢又話計劃緊推出親子時裝系列，遲啲仲會出埋文具㖭，真係名副其實百足咁多爪。