白韻琴前晚偕謝偉俊往中環出席「和興集團八十週年慶祝宴會」，白姐姐稱認識集團老闆顏福偉已久，還大讚對方唱歌好，又說：「佢扮陳振聰好，但我覺得福仔有型啲，又青春過陳振聰，話佢似對方我覺得委屈咗佢。」她還譴責陳振聰說：「都唔明佢點解要爭產，食幾多着幾多係整定，人哋啲遺產係做善事，希望佢放低，成全龔如心家人。」
一曲$5,000做善事
此外，江美儀偕男友吳君如弟弟吳君祥、余安安等都有出席晚宴，問吳君祥何時跟江美儀結婚，他表示：「快㗎喇，不過唔急，婚都未求。」問外甥女陳是知近況如何？他說：「佢14個月大，啱啱識行，我知家姐同男友正籌備生第2個。」身為老闆的顏福偉就透露目前被邀出席宴會要表演唱歌，他都會收取5,000元一首歌的酬勞，他說：「啲錢唔係我袋，我係會捐出去畀無國界醫生。」
採訪、攝影：藍文浩