有歌手覺得只要到錄音室唱好一首歌，現場表演時盡量不走音，就是做好自己本份；不過有些歌手會每一首歌都參與其中，連排舞時的每一個舞步都給予意見。相信後者在樂壇生存的時間一定比前者長，《大女仔》主唱歌手鄭融深明這個道理，所以她現時對工作比以前更着緊。
鄭融入行的時間不算短，事業未算到頂峯，其間更有負面新聞和緋聞，但是她絕對不想靠這些花邊新聞在樂壇生存。鄭融的歌藝及舞技毋庸置疑，正如她自己所說欠缺的可能是一點點的觀眾緣，她說：「我都唔知點解入行咁耐成日俾人覺得我好招積、好寸，其實我份人真係一啲都唔寸，只係比較直，有嗰句就講嗰句，所以有時講錯嘢都唔知。」
學懂積極工作
得到這些經驗，鄭融深明少說話多做事的道理，她知道只有做出成績來才會得到樂迷的認同，所以她更積極工作。最近鄭融成為新歌《大女仔》的監製，她興奮地說：「以前入到錄音室乜嘢都唔識，監製講啲乜我根本就唔知講緊乜，但係𠵱家自己投入多咗，起碼知道人哋講緊乜嘢，自己嘅想法多咗、參與多啲，唱一首歌嘅成功感都大啲。」
讚Sammi夠全面
此外，很多人會覺得鄭融演繹快歌比較出色，但她卻不認同，因為她覺得作為一個歌手，快歌慢歌都應該嘗試，不是別人認為你唱快歌出色便只唱快歌，她說：「喺我心目中冇快歌歌手同慢歌歌手，歌手就係應該乜嘢歌都要嘗試唱。我好欣賞鄭秀文（Sammi），佢唱慢歌唱得好好，唱快歌時又好勁，跳得好勁，呢啲先係全面嘅歌手。」
採訪：李珮洳
攝影：陳慧安
