宣萱及徐濠縈等昨日在中環出席英國品牌AnyaHindmarch活動，各人均大談環保意識，其中徐濠縈已教現年兩歲的女兒要懂環保、不要浪費，她又指女兒超級活躍，試過在朋友家中懷疑吞了一粒骰，嚇得她即時倒吊女兒。
宣萱、徐濠縈及馬詩慧等昨日在中環ifc，出席英國品牌AnyaHindmarch「I'mNOTaPlasticBag」活動，此環保袋甫在英國推出，已掀起搶購及炒賣潮，香港將於下月6號開售，每人限買兩個。
教女兒不浪費
昨日出席嘉賓均自稱是超級環保分子，徐濠縈表示雖然女兒現在才兩歲多，但已開始教她要懂環保、不要浪費，她說：「好似個女好鍾意玩紙巾印鼻水，印一印就唔要，我已經教佢唔好咁做，但佢𠵱家仲細，暫時仲未明。」她又指女兒超級活躍，最喜歡爬欄杆及打觔斗，有次在朋友家中更懷疑她吞了一粒骰，嚇得阿徐即時把女兒倒吊，幸好只是虛驚一場。
污染重拒生育
宣萱則指奉行環保已有5至6年時間，她說：「例如我喺屋企會教工人將垃圾分類，去超級市場買嘢會自備購物袋，夏天除咗瞓覺先會開冷氣，其他時間只開風扇，因為我養嘅都係短毛狗，佢哋唔會太辛苦，同埋出trip我都會自備拖鞋同清潔用品。」
宣萱續說：「救救地球真係好重要、人人有責，連生BB呢個問題我都諗到，如果生BB出嚟時，地球污染情形更加嚴重，到時都係我哋嘅下一代suffer。」
採訪、攝影：RitaLeung
