身體髮膚，受諸父母，父母費盡心思養育子女，不小心損手爛腳遍體鱗傷真是有點對雙親唔住，網友珊珊日前修眉，經美容師悉心整理後，眼上出現兩道可愛的眉毛，怎料回家後竟被母親責罵，「阿媽鬧我做乜無端端修眉，佢話自然美最好。」
珊珊說一向無修眉習慣，近日覺得眉宇間雜毛多，便搵美容師整理眉毛，她說修眉後覺得眉型好了，怎知被媽媽責罵，令她甚為無奈。很多女網民也說第一次修眉時也遭母親罵，網友Nicloe說：「我第一次修眉嘅時候，媽咪都係咁講，但修多兩次，佢都無出聲囉。」
「見慣咗就唔會理」
署名「他不準我哭」的網友稱，初次修眉也被母親質問「做咩無啦啦去修眉？使唔使咁細個就修眉，真貪靚。」之後她開始化妝，母親也有意見，「化到咁濃，去邊度呀？」她說最佳的應付方法是持之以恒，「見慣咗媽咪就唔會理。」
並非個個女兒也有自然美，所以部份母親較開通，阿慧說是媽媽主動要她修眉，「佢話我條眉又粗又多雜毛，唔修唔得。」另一網民稱第一次修眉是由媽咪親自動手，「佢話我條眉壓目，所以忍唔住手，之後個個都話修得好，喺度多謝媽咪先。」