定居上海嘅吳綺莉近排同鄰居發生爭拗，台灣製作人楊佩佩（小圖）噚日出席上海電視節活動，原來佢係吳綺莉住嘅「鼎邦儷池」豪宅嘅業主委員會主席，楊佩佩話一晚有位住客娶孫新抱，叫咗好多人嚟泳池開派對，吳綺莉帶頭同其他住客一齊投訴，雙方僵持不下，搞到防暴警察都到場，佢話：「我幫那一邊都不好，我想做中間人，吳綺莉很衝動，帶頭去投訴。」