黃宗澤、周汶錡、陳嘉容及黃偉文等，前晚到銅鑼灣出席Nokia×D-mop手機活動，各人均獲贈限量版手機。較少出席這類潮人活動的黃宗澤剛從泰國返港，他說：「知道今晚（即前晚）多靚人靚模特兒，所以攞正牌嚟玩呀。」
用手機最重私隱
早前黃宗澤的手機賬單不小心外洩，問會否加倍小心，他說：「梗係會啦，有自己私隱好緊要，我𠵱家只會用手機影吓食物同老爺車相㗎咋。」他又表示眾多港產模特兒中最欣賞陳嘉容，記者指對方現在與丈夫分居，大可展開追求，他聞言即說：「嘩！我同佢距離太遠啦，佢太高貴啦，只可以遠遠欣賞。」記者即問身形較嬌小的胡杏兒會否更合他的心水，黃宗澤說：「我係話（身形）中等OK啫，唔得啦，要返入舖涼冷氣先。」乘機中止訪問。
採訪：梁錦雯
攝影：林德雄
話你知：潮舖出機發揮想像
手機生產商Nokia與本地型店D-mop最近推出crossover特別版N76手機，這部手機以「無限想像力」及「聯繫生活」為概念，在手機牆紙、屏幕及包裝盒上均有「ConnectwithStyle」的眼睛，以及飛躍空中的海洋生物為主題圖案，寓意發揮個人潛能。該特別版手機以紅黑包裝（圖）為主，限量5,000部，售價為4,398港元。
