為保戀情公開與無綫作對的楊思琦，近日工作量大減，未有新劇開拍的她，昨日返將軍澳電視廣播城古裝街，為1年半前拍竣的劇集《強劍》拍攝宣傳片。
提到她不理無綫高調拍拖，楊思琦解釋說：「其實我一向都好低調，拍拖食飯都係好平常嘅事，我係唔會因為拍拖影響自己工作，更加唔會同無綫反目，今年我係得兩套劇，𠵱家係未有劇開，不過我最近經常有出席宣傳活動，都唔係冇嘢做，無論如何，我會繼續低調。」
此外，楊思琦早前就跟at17的盧凱彤（Ellen）拍攝名為《為生活喝采》的特輯，當天Ellen帶備相機跟思琦及攝製隊一起到大澳漁村，二人獲招待參觀古老棚屋，此特輯將於明晚播出。
撰文：黎敏茵