方力申前晚於柴灣為代言的三洋數碼攝錄機拍攝硬照廣告，他謂收取六位數字酬勞，將會把產品隨身攜帶，小方說：「呢個廣告搵我拍最好，我同部機一樣係兩棲，陸上同水上都用得，我拍《出水芙蓉》會係咁影相。」
問小方會拍攝哪一位女星，是否緋聞女友鍾欣桐（阿嬌）？他說：「我唔會用其他人嘅名喺我代言嘅產品上，我拍戲時唔使落水，所以會喺岸上影，乜都影。」
「太多壓力」
另外，小方和阿嬌昨日分別接受商台訪問，小方強調和阿嬌合照不尷尬，但感覺特別，他說：「其實以前有太多傳媒壓力，所以我哋喺記者面前先冇講嘢同眼神交流，平時綵排同後台都有傾偈，之前有傳聞佢可能唔演出，我都有同佢通電話，佢話可能做唔到，之後我哋就再冇電話聯絡。」阿嬌則謂在《出》片不會有性感演出。
採訪、攝影：王連連