徐子珊在首次與兩位影帝梁家輝及任達華合作拍攝的電影《跟蹤》，與剛播映的無綫劇集《學警出更》一樣，飾演紀律部隊人員，不過演繹方面有所不同，導演當初選用她的最大原因，是覺得子珊帶有鄰家女孩的感覺，獲杜琪峯賞識，令子珊受寵若驚。
徐子珊首次演出的處女電影《跟蹤》於月底上映，雖然該電影已拍罷大半年，但子珊仍十分緊張，期待上映一刻。她於片中飾演一名刑事情報科探員，她說：「戲裏面我要做到一個唔似警察嘅警察，不過最開心係導演今次肯畀機會我，去做一個連我自己都唔知道嘅徐子珊，最緊要係自己都估唔到可以演到。」
似鄰家女孩
對於首次拍電影便能夠與兩位影帝任達華及梁家輝合作，子珊自言獲益良多。對於有幸被電影監製杜琪峯選中，她說：「佢話我似鄰家女孩，而且帶少少硬朗，之前都要試戲，都有畀對白我講，後來話用我嘅時候，都有少少受寵若驚。」對於電影《跟蹤》早前成為香港電影節開幕電影，子珊自覺十分榮幸，她說：「當然好開心喇，當晚好多人睇完對我都喜出望外。」
盼影視齊發
子珊表示十分感激無綫為她接拍電影，令她可以接觸不同層面的工作，她自言同樣喜愛電視和電影，她說：「其實兩樣係好唔同嘅嘢，咁當時我又係新人，佢哋個個都好照顧我，同埋好肯教我，簡直萬千寵愛在一身，希望嚟緊都仲有機會接拍多啲好嘅電影。」
採訪：王崇穎
攝影：林德雄
