香港球迷視波如命，今次排頭位的姓李青少年前日晚上9時45分便一馬當先，他說：「我好熱愛足球㗎！個個都講拜仁，我係南華躉嚟㗎」。至於居長者人龍之首的73歲姓蘇老伯則說：「但係最緊要都係希望啲球隊可以打得好啲啦，尤其係香港隊㖭呀！」
孖生姊妹買飛捧簡尼
一對年約20餘歲姓馮的孖生姊妹昨晨更特別一同請假到大球場購票，她們說：「我哋唔同老細嘅，但係兩個老闆都唔知我哋告假原因㗎。我哋都捧拜仁嘅場，都鍾意簡尼（拜仁守門員）。」
一名16歲姓陳少女，在昨午12時聽到有關門券售罄的大球場廣播後，惟有失望地希望有人相助，豈料獲得兩名女學生讓出兩張「波飛」，「補飛」成功令她歡喜若狂：「我捧拜仁，總之好開心啦！」
可是一名84歲姓翟的老南華躉卻因買不到「波飛」悲哀地向一名維持秩序的女警說：「咁好節目……可唔可以讓張飛畀我呀？」之後不得要領，只好離去。
本報記者