台灣歌手林曉培上個禮拜三喺台北無牌醉酒駕駛，撞死女護士林淑娟，噚日晏晝近四點，台灣檢察官對死者遺體進行檢驗，死者丈夫都列席，由於家屬一直唔願意死者俾人解剖，所以死者丈夫走出解剖室之後，情緒突然失控大叫：「林曉培不是人！有誠意的話為甚麼不陪我們看解剖！」死者丈夫認為林曉培扮可憐，又話當初講好會畀嘅殮葬費用，𠵱家冇晒下文，佢仲話賠償金嘅嘢會交畀律師處理。