「要報仇，要佢好似我個仔咁，搞到又盲又啞，塊面爛晒就最好！」老年痛失獨子，葉雨連的母親難掩內心忿恨，坦言：「我唔會原諒呢個女人，判佢乜都冇用！」
年邁80的葉母早前接受本報訪問，提到愛子被殺害，情緒顯得激動，眼淚漣漣。兒子風流，左右逢源，終命犯桃花劫，然而，葉母眼中，第二任妻子和情婦才是罪魁禍首，直斥她們是「衰人」，「呢兩個女人搞到我個仔慘死！」
葉母形容兒子都算「幾靚仔」，但當日她到醫院見兒子最後一面時，真是慘不忍睹，她哽咽說：「個仔面目全非，甩晒啲頭髮。」她憤慨稱「如果個仔係病死都話啫，𠵱家係橫死。」
至於姓劉媳婦，葉母一樣不原諒她，「一見到呢個女人就眼火爆，唔想見到佢。」在她心目中，只有兒子第一任妻子才是「好新抱」。
本報記者