感激近一年的Leggings熱，就算沒有修長美腿，也一樣可以大方穿着短裙熱褲四圍走。但冬去夏來，大熱天時繼續依靠Leggings也不是辦法，分分鐘熱到暈！為今之計，只好死死氣立即展開收腿大行動吧！坊間可以找到的收腿方法千奇百怪，消脂排水腫按穴位咩都有齊，今次集十種收腿法，並在街頭問問數十名愛美女生的意見，加埋靚女Model親身試後感，排出這個「最想試收腿十式排行榜」，或許同樣臨急抱佛腳要瘦腿的你也可以找到心水！
記者：謝翠玲
攝影：林栢鈞、楊錦文
Model：Tobee（StarzPeople）&Ceci（PureModels）
第1位
電磁波排毒繃帶收腿
賣點：SpaCollection「SOS」收腿療程，利用天然礦物泥及白金電磁波纖維繃帶來包裹雙腿，促使脂肪內毒素排出，並有提升收形效果，即時可減1cm。
新客試做價$160/30分鐘（原價$320）（單做腿部）
想試原因：包繃帶就可以瘦咁簡單？聽起來都幾吸引。
試後感：解開繃帶後感覺雙腿即時變瘦，雙腿無咁重，好想換短褲行街。
第2位
消脂按摩器＋纖體精華二合一
賣點：L'OrealParis全新「完美曲線專業按摩纖體緊緻精華」結合消脂按摩滾輪，刺激微循環和淋巴代謝，幫助吸收緊緻消脂精華。$119/150ml
想試原因：消脂按摩器同纖體精華加埋一齊夠方便。
試用感：按摩器壓下去感到很「啜」，都幾似真按摩，感覺唔痛可接受，而且碌碌吓都幾好玩又方便。
第3位
模擬衝浪機
賣點：OSIMuSurf模擬衝浪機，模擬真實衝浪運動，是一項有效的全方位帶氧運動，能鍛煉平衡力，特別是腰、腹、腿部及臀部，玩得多可以打造完美腿形。$3,680
想試原因：在家中也可模擬衝浪，好玩之餘仲可以減肥收身，都幾吸引。
試用感：好好玩！玩的時候因為要平衡，我感到由腰至大腿和小腿的肌肉都要用力才可以企穩，玩完5分鐘都幾累！
第4位
瘦身夾夾腳
賣點：外形像玩具多過運動工具，往外拉的時候，會產生拉力，每日5至10分鐘可幫助收緊大腿肌肉 $398（JCLadies）
想試原因：無工具輔助下做運動會覺得難同無心機，呢個夾夾腳色彩繽紛且外形可愛，激起做運動衝動。
試用感：開頭以為好簡單，但原來都要用力，應該真係可以練到大腿的肌肉。
第5位
防水超音波美顏器
賣點：日本女流行用超音波導入器來美容，並把同樣原理應用埋在收腿上。沖完涼立即塗上減肥Gel，再以超音波美顏器在腿上推按，加快吸收。$1,980右（可配合一分鐘瘦身啫喱$380/300ml左）（JCLadies）
想試原因：唔使郁就可以消脂瘦腳，啱懶人。
試用感：用時會聽到有吱吱聲，但因為肉眼不能看到超音波，唔太肯定係咪真係有效，要試多幾次先知。
第6位
香薰足部按摩護理
賣點：足部按摩可促進血液循環、消除疲勞，而且能排出體內毒素，加強新陳代謝功能，即時去水腫。$220（BluSpa）
想試原因：可減壓又去水腫排毒，由朝坐到黑的OL最女適合做。
試後感：好舒服，做完按摩行起路嚟都變得輕盈，望落對腳變得無咁水腫。
第7位
唐式經絡清毒
賣點：使用高效排毒香薰按摩油配合BeautyForever獨有唐式經絡按摩手法，刺激淋巴系統循環，排除體內毒素及廢物。（首次試療價$288/45分鐘）（BeautyForever）
想試原因：全身舒適躺着便可減肥排毒，不失為一個很好的減壓活動。
試後感：非常舒服，除了減了水腫，加埋磨砂和敷Mask，雙腳無咁腫即時變得嫩滑。
第8位
神奇波浪紋束褲
賣點：貼身的波浪紋設計束褲可幫助減少皮下脂肪，加速消脂和代謝，改善大腿和臀部，可順便當打底褲用。$389（JCLadies）
想試原因：方便易用又唔使做運動可收大腿同臀部。
試用感：穿着起來好貼身，雖然有少少焗，但可時刻提醒自己要減肥。
第9位
低周波腿部電子按摩器
賣點：用電流來刺激血液循環，加速腳部的新陳代謝，並可消除疲勞，對過份結實的肌肉也有鬆弛作用。$338（JCLadies）
想試原因：又一懶人道具，而且可以減疲勞，瘦唔到腿都可當Relax工具。
試用感：有啲唔慣，感覺開頭有少少痛，但慣咗又好似OK，試完至少無咁累，減肥功效要再觀察。
第10位
維他命C絲襪
賣點：添加維他命C成份的絲襪，其中的維他命C有美白和降中性脂肪的功能，適合日日要穿絲襪上班的OL。$68（JCLadies）
想試原因：工作需要穿絲襪的話，一試無妨，反正始終都要着。
試用感：其實唔太感到實際效果，因為穿絲襪基本都可以修飾腿形，加維他命C好似係求心安多啲！
貪靚女生講幾句
Ceci
「試完咁多種瘦腿方法，我都係信做運動效果會最持久同有用，所以我會認為那個踩滑板運動機會最Work啩！」
Hibernia
「要腿形靚聽講要淋巴唔塞先做到，我聽朋友講每次做完通淋巴Treatment，對腳會減水腫，腿形特別靚。」
Elaine
「我諗要瘦腿唔可以太懶，我覺得用那個減肥棒來做運動好似唔太辛苦但又有郁，做得耐應該都收到腿形。」
Crystal
「我唔係好鍾意做運動，俾我揀會覺得綁繃帶Treatment收腿形好方便，但係咪真係會Work㗎？我都幾好奇。」
Algie
「我覺得L'Oreal最新那支瘦腿Gel幾得意，連埋有消脂按摩器，碌完即搽Gel好似會特別吸收啲，功效應該都會快見。」
查詢：
L'Oreal（28281437）
BeautyForever（21144118）
BluSpa（28028788）
OSIM（27902300）
JCLadies（31022783）
SpaCollection（29920123）