眨吓眼又到7月，榴槤季節嚟喇！我阿祥雖然並不特別好呢種「好味」果王，但到7、8月，去到南洋一帶，都會順應天時，食幾次最當造的靚榴槤。
早輪去新加坡，導遊知我心意，話不如帶我去食特別的榴槤產品。最出名食叻沙的加東區，有一家賣榴槤糕點賣到開巷的餅店，開業13年，專賣榴槤蛋糕、曲奇、西餅。原來老闆娘是馬來西亞人，在馬拉有自己的榴槤果園，來到新加坡後，便用最靚的榴槤做不同的糕點。
其中榴槤泡芙是老闆娘親手做的，日日新鮮熱辣出爐，客人就等「入貨」，我到訪當日大概半小時左右，已見她賣出約20盒，人人一買兩盒，每盒20個，半小時就賣出400粒，無怪乎佢哋做極做唔切。味道係點？榴槤味的鮮忌廉好香滑，雪凍涼浸浸，初入口似雪糕，然後淡淡榴槤味滲出，好有驚喜！泡芙皮軟熟香甜，非常推介！但記得買前先致電問問有冇貨。
地址：475JooChiatRoad,Singapore427682
電話：（65）63448629
悠樂祥
酷愛旅遊，搭飛機多過搭巴士，天生樂天派。