上個禮拜約咗個Friend食Lunch，見自己咁耐無搭過巴士，卒之走咗去調景嶺搭巴士出去。
等咗差唔多半個鐘終於上到車，等咗咁耐就梗係即刻走去樓上，搵個窗口位睇風景順便涼吓冷氣，沿途一直相安無事，但當部巴士去到觀塘繞道近Volvo汽車維修部附近嗰陣就差啲出事；事緣我坐緊嗰部巴士由去到觀塘繞道嗰一刻開始，慢線一直有車而被迫行中線，跟住突然有部泥頭車喺慢線抽出中線，搞到我坐緊嗰部巴士要急停，成車人都要同呢部泥頭車行「跪拜禮」，兩車相距都唔知有無半個車位，無事發生真係執番身彩。
有時揸車都好驚遇到呢啲人，係，你可能真係有打燈話畀人聽你要Cut線，但唔該都睇清睇楚，望真啲後面部車同你距離有幾遠，先至Cut線都未遲吖！仲有就係喺一般情況下，Cut線爬頭只可以喺前車嘅右方進行，若喺左邊Cut線爬頭的話，都有機會被控以違反交通條例。
悠穎馳
豪邁不羈，愛車如命，聽幾下引擎聲就知咩車！