嚟緊今個禮拜日就是父親節，為人子女者也應有點「表示」，買份禮物或者訂枱吃飯，網民Seiko卻說，大家與其花錢表心意，不如簡簡單單拖一拖父親的手，最直接拉近親子距離。
Seiko在CopyCat論壇表示，「前排教阿爸阿媽用電腦，捉住佢哋隻手用mouse（滑鼠）時，嗰種感覺好陌生。」他說來很感慨，「唔知係咪人大咗會怕尷尬，同親人嘅距離好似越來越遠。」網友阿大也有同感，「親人應該最親，但唔知點解好似好疏離。」
網友Jerry卻說父子感情良好，「我成日搭住老竇膊頭，好似朋友咁，無呢種感慨喎。」網友Sheley回應表示與母親較親近，因為父親在外地工作，不是長居香港，「每月平均見不多於5次，佢每次返嚟香港都唔會住多過4日，越來越覺得我哋唔似一家人，莫講話摸佢隻手，連講嘢都好少機會，唉！」