黎姿細佬黎嬰自車禍入院後，一直喺瑪麗醫院留院，黎姿父母噚日中午去咗醫院，十分鐘後，着住黑衫、紅鞋、戴住黑超嘅黎姿喺助手陪同下嚟到，然後就入病房探細佬。佢爸爸逗留一個鐘離開，黎姿就同媽咪留多咗一陣，傍晚再嚟探細佬，問到黎嬰嘅最新情況，黎姿兩次都冇回答，但全程都保持笑容。