劉香萍及女兒貝安琪等前晚在九龍灣，出席髮型化妝大賽晚宴，提到Rosemary與母親Julie因錢財加深牙齒印，同是跟得媽咪兼女兒經理人的劉香萍指教女要從小開始，女兒念大學時已讓她獨立理財，也不會管束女兒拍拖，自言比女兒的朋友還要中立。
貝安琪及母親劉香萍、郭子輝（Ricky）及莊思敏等，前晚在九龍灣展貿中心出席第31屆亞洲髮型化妝大賽晚宴，一身性感打扮的貝安琪及莊思敏被場內一名男工作人員要求合照，但他的手一直攬着二女的腰部以下不放，莊思敏事後猶有餘悸說：「我怕自己太大反應會引起尷尬，淨係好想快啲影完張相。」
永遠保持中立
談到早前Rosemary埋怨被母親Julie封鎖財政，劉香萍說：「我同個女喺呢方面好公私分明嘅，佢讀大學時我已經畀佢獨立理財。」記者指Julie指女兒貼錢給男人，問劉香萍怕女兒被男人呃嗎？她說：「都驚㗎，不過教女由細教起，個女識啲乜嘢朋友都好緊要。」
貝安琪則認同Julie的確用心栽培女兒，發生財政封鎖事件可能是Julie輕輕懲罰女兒的一種方式。劉香萍又指自己是開通媽咪，好像女兒交男友，她永遠保持中立，她說：「過我呢個外母呢關好易，我比個女啲朋友仲要中立。」她更大讚女兒男友十分OK。
唔急𠱁陳嘉容
此外，有份出席晚宴的郭子輝被問到有沒有𠱁回老婆陳嘉容時，他說：「試吓啦，要慢慢嚟。」他無奈說：「總之兩公婆嗌交，好似梗係個男人錯嘅。」記者指陳嘉容早前接受雜誌訪問時委屈流淚，他說：「女仔一有壓力就喊，發生呢件事我都好傷心㗎。」
採訪：JessicaNgan
攝影：ChenWaiOn
