林曉培日前喺台北涉嫌醉駕撞死女護士，曾患躁鬱症嘅佢承受好大壓力，佢噚日去咗台大醫院精神科睇醫生，佢顯得神情恍惚，就算塊面有俾蚊叮到紅晒都冇感覺。記者同林曉培傾偈，佢又係冇乜反應，只係話朋友送咗《聖經》畀佢平靜心靈。問到林曉培𠵱家係咪好驚人群？佢承認話：「因為很丟臉。」呢頭講完，呢頭又眼淚流不停。