曾經搞到「安娜」鬼咁傷心嘅「週境」，平時懶係怕影相，次次見到記者佢都頭耷耷turbo腳咁行，但至弊佢身份多多，又係模特兒公司老闆，又係一本雜誌嘅發行人，大家都知雜誌收入來源好大部份都係靠廣告客戶，佢次次去飯局派對都神神秘秘要走後門，好似唔見得光咁，搞到啲客戶同公關公司好頭痕。 啲客戶同公關公司終於同「週境」話，佢再係閃閃縮縮咁後門嚟後門走，引起混亂咁難睇，就會對佢雜誌「抽稿」，「週境」梗唔會同錢作對，所以近期見佢出入派對終於肯行得正、企得正。 撰文：阿蘇 本欄逢周一至六刊出