外號「濕手巾」嘅前阿根廷國腳奧廸加，近況同馬勒當拿有得比，真係名副其實係「馬勒當拿接班人」喇！話說呢位效力河床球星早前入院接受戒酒治療失敗，被教練巴薩里拉踢番屋企思過。咁仲未夠慘，佢周日開車出外嗰陣被人上車打劫，被挾持住兜咗兩個鐘風後安全獲釋，但係手機、錢同車就被搶走晒，真慘！