混血模特兒Rosemary因被母親Julie封鎖財政而反目，名模姚書軼（Mikki）昨日出席YSL活動時，表示Julie可能出自好心幫女兒投資，財權最終都會歸還Rosemary。對於Julie說女兒「貼」男友，Mikki則笑言時常詐騙男友Sunny，奉行自己搵錢自己使的理財原則。
名模姚書軼昨日率領外籍模特兒，為法國品牌YSL示範最新秋冬系列，她更穿了一件售價達12萬元的短袖mink外套，盡顯品牌聖羅蘭的華麗氣派。
開新戶解決
同行Rosemary日前向傳媒呻母親Julie凍結二人聯名戶口，再度與母親鬧意見反目，Mikki對此有另一番見解說：「可能Rosemary係鬼妹仔，唔係好識得理財，佢媽咪可能幫佢投資，可能到最後啲錢都係留番喺Rosemary度。其實Rosemary遇到冇錢使問題好易解決，佢自己開一個新嘅account好易，點解唔做？」
報道指Julie認為Rosemary「貼」男友，問Mikki會否貼男友Sunny，她笑說：「一直都係我詐騙佢，我梗係冇貼佢，不嬲我都認為自己搵錢自己使，加上女人有私己錢係天經地義。」之後她正經地說：「其實一做嘢都有畀錢媽咪，阿媽可能想留番啲錢畀我做嫁妝，可能Rosemary媽咪都有呢個睇法。」
黑色多變化
此外，主帥StefanoPilati筆下的YSL秋冬新裝，充滿黑色主義，貫徹聖羅蘭曾表示「黑色不只是一種，黑色可以千變萬化的」，如以黑灰色、淺灰色和深藍色點綴，打造一片subtlebeauty。整個collection更重拾了50年代及80年代的感覺，以oversizedvolume剪裁增加伸展空間，也有以街頭風格及運動元素為靈感。
採訪：GeneNg攝影：ChanChiLam
