噚日南華開操，足主羅傑承訓話之餘，亦講關於少林寺嘅電影《我愛南華》。羅生話導演李力持已寫緊劇本，由周麗淇（圖）做女主角，套戲預計9月開鏡。雖然卡士唔勁，但預算就有成2,000萬港元，絕對係大片格。點解咁貴？羅生解釋同用咗好多電腦特技有關，不過想睇南華球員做戲嘅球迷可能失望，因為球員戲份有限。