▲老記唔係好明點解話未到底價，拍賣完咗問番拍賣官，佢解釋話，由勾地到拍賣，相差成兩個月咁滯，其間市場可能出現變化，政府喺賣地當日朝早，會再計多一次個底價，所以有時會出現唔同㗎。不過，今次個價仲平過上個月油麻地幅地，唔知係咪政府覺得呢塊地冇咁值錢，定係驚收番塊地，會對樓市帶來好大震撼，所以蝕少少都扑鎚賣咗佢呢？